Ընդհանրացում

Տուրի մեկնարկը 10:00
Տուրի տևողությունը 8-9 ժամ
Գրաֆիկ։ Մարտի 1 - Դեկտեմբերի 25

Սկսենք մեր անմոռանալի ուղևորությունը դեպի Գառնու տաճար։ Եռանկյունաձեւ հրվանդանի վրա վեր խոյացող Գառնու տաճարը հայ հեթանոսական մշակույթից պահպանված եզակի օրինակն է: Տաճարը հունա-հռոմեական եւ հայկական ոճերի միացման ծնունդ է: Հայաստանում քրիստոնեությունն ընդունելուց հետո երբեմնի հեթանոսական տաճարը վերածվում է արքաների ամառային նստավայրի: Այսօր էլ տաճարի շրջակայքում կարելի է տեսնել ամրոցի եւ արքայական պալտների այլ ավերակները, ինչպես նաեւ մեծ հետաքրքրություն առաջացնող թագավորական բաղնիքը` հատակի գունավոր խճանկարով:

Այնուհետև շարունակենք մեր ուղևորությունը դեպի Գեղարդ։ Գառնիից 9 կմ հեռավորության վրա, Ազատ գետի ափին է գտնվում 13-րդ դարի հայ ճարտարապետության անգերազանցելի գլուխգործոցը` Գեղարդը: Ի սկզբանե վանքային համալիրը կոչվում էր Այրիվանք, իսկ հետագայում ստանում է Գեղարդ անունը` ի հիշատակ այնտեղ պահվող Գեղարդի, որով ըստ ավանդության հռոմեացի զինվորը խոցել էր Քրիստոսի կողը: Գեղարդավանքը հարուստ է նրբակերտ զարդաքանդակներով եւ բարձրարվեստ խաչքարերով:

Մեր տուրի ընթացքում Ձեզ հնարավորություն կնձեռվի մասնակցել Լավաշ թխելու արարողությանը և ծանոթանալ հայակական ավանդական Լավաշի թխման գործընթացին։ 

Գառնու տաճարի և Գեղարդի վանական համալիրի գաղտնիքները բացահայտելուց հետո կուղևորվենք Ծաղկաձոր` Հայաստանի ամենահայտնի եւ հյուրընկալ վայրերից մեկը: Սա մեր լեռնային երկրի փոքրիկ այն անկյուններից է, ուր բնության գեղեցկությունն ի հայտ է գալիս իր ամբողջ բազմազանությամբ: Հենց այստեղ էլ մենք կայցելենք Կեչառիս վանքային համալիրը և Ճոպանուղի կնստենք (մեկ կայան)։ 

Երեկոյան` ներշնչված Լեռնային Հայաստանի գեղեցկությամբ, բոլորս միասին կվերադառնանք Երևան։