Հրավիրում ենք շրջելու Գյումրու փողոցներով և թանգարաններով, ինչպես նաև այցելելու Շիրակի զարդ Հառիճավանք:Այսպիսով կուղևորվենք Գյումրի և կշրջենք Կումայրի արգելոց-թանգարանի տարածքում, որտեղ կենտրոնացած են

մեր հանրապետության ամենակոլորիտային քաղաքի հին փողոցները (Վարպետաց, Աբովյան, Ռուստավելի, Ղորղանյան, Ջիվանի, Գորկի)`

իրենց յուրահատուկ ճարտարապետությամբ կառուցված շենքերով, հին եկեղեցիներով (Յոթ Վերք, Սբ Նշան, Սբ Գրիգոր):Այնուհետև ժամանակի և ցանկության առկայության դեպքում կայցելենք իր տեսակի մեջ յուրահատուկ` Գյումրու

ժողովրդական ճարտարապետության և քաղաքային կենցաղի թանգարան կամ այսպես կոչված Ձիթողցոնց տուն,

որի ցուցասրահներում ներկայացվում են հին Գյումրիում կամ Ալեքսադրապոլում առավել տարածում գտած արհեստները,

քաղաքի հասարակական ու մշակութային կյանքը  19-րդ դարի կեսերից մինչև 20-րդ դարի 20-ական թվականները:

Թանգարանի սրահներում վերականգնված են արհեստավորի և ունևոր գյումրեցու բնակարաններ: