Ընդհանրացում

Չեխական Շտերբերկ - օբյեկտի յուրահատուկ օրինակ, որը գրեթե անդադար գտնվել է իր հիմնադիրի` Շտերնբերկների տոհմի (13-րդ դարի կեսից մինչև 1949 թվականը) տիրապետության տակ: Վերադարձվել է տոհմի ժառանգորդներին 1991 թվականին: Սկզբնապես գոթական ամրոցը, որի պաշտպանական համակարգը պահպանվել է մինչ օրս, 18-րդ դարում վերակառուցվել է բարոկկո ոճում: Պահպանվել են պատմական իտերյերները, պատկերասրահը, հնագույն կահույքը, հնագույն զենքեր, որսորդական ցուցադրությունը:

Եմնիշտե - Եմնիշտեի մասին առաջին տեղեկությունները մեզ են հասել դեռևս 1381 թվականից: Բայց այն ժամանակ այն եղել է ոչ թե մեծ ամրոց, այլ փոքրիկ բերդ, շրջապատված ջրով: Այդ բերդը մինչ այժմ գտնվում է մոտակա գյուղում: 18-րդ դարի սկզբին Եմնիշտեն գնել է կոմս, ով սերում էր հնագույն շտիրյան տոհմից: Հին բերդը չէր բավարարում նրա բարձր պահանջներին, այդ իսկ պատճառով ոչ բարձր բլրի վրա կառուցվեց նոր ամրոց, որը ավելի շատ էր համապատասխանում կոմսի նրբագույն ճաշակին և ազնվական դիրքին:
Ձեզ հնարավորություն է ընձեռնվում ծանոթանալ տիպիկ արքունական նստավայրին, որը դասվում է բարձրագույն բարոկկոյի ժամանակաշրջանին:
Այժմ ամրոցն իր տարածքով վերադարձվել է Շտերնբերկների տոհմին: Նրա ներկայիս տերը` Իրժի Շտերնբերկն իր ընտանիքով զբաղեցնում է ամրոցի ձախ թևը: