Հավերժական քաղաք, որտեղ տանում են բոլոր ճանապարհները: Այստեղ մեկ շաբաթվա ընթացքում կարելի է ապրել մի ամբողջ հավերժություն: Տեսարժան վայրերի քանակը Հռոմում այնքան մեծ է, որ մի քանի րոպե զբոսնելուց հետո, զբոսաշրջիկների գլխում իսկական խառնաշփոթ է լինում: Անցկացնել Հռոմում մեկ կամ երկու օր ուղղակի հանցագործություն է: Հռոմ կարելի է այցելել, այցելել և այցելել:Ամենակարևորը պետք է հասկանաք, որ Հռոմը Իտալիան չէ, այն առանձին պետություն է, կամ առանձին աշխարհ, եթե կուզեք: Հռոմը անհիշելի հին է և հավերժ երիտասարդ, նա տեսել է ամենահզոր քաղաքակրթության ծնունդն ու անկումը: Պատահական չէ, որ Հռոմի պատմական տարածքը հայտարարվել է մարդկության Համաշխարհային ժառանգություն:

Ինչ պետք է տեսնել

1. Կոլիզեում - Կոլիզեումն  Հին Հռոմի ամենամեծ ամֆիթատրոնն է, կայսերական Հռոմի վիթխարի և հռչակավոր կոթողներից մեկը, որն իր ժամանակին կրկեսի շենք էր: Սկզբնապես Կոլիզեումը կոչվել է Ֆլավիոսների ամֆիթատրոն։ Իր անունը ստացել է «կոլոսիում» կամ «կոլոս» բառից, որը հունարեն է, նշանակում է՝ հսկա, մեծ։ Սակայն Կոլիզեումը այդպես է կոչվել 8-րդ դարից, կամ իր հսկա չափերի, կամ այն պատճառով, որ նրա մոտակայքում հնում կանգնած է եղել Ներոնի վիթխարի արձանը։ Այսպիսով, արձան-կոթողն է իր անունը տվել այդ հսկա ամֆիթատրոնին:

2. Տրեվի շատրվան - Սա ամենաշատ հաճախելիություն ունեցող շատրվանն է աշխարհում: Հռոմը հաճախ անվանում են շատրվանների մայրաքաղաք, որոնց արքան լեգենդար Trevi-ն է, որը հանդիսանում է Իտալիայի մայրաքաղաքի ամենակարևոր տեսարժան վայրերից մեկը: Դրա տպավորիչ կոմպոզիցիան ստեղծվել է 1732-1762 թվականներին, ճարտարապետ Նիկոլա Սալվիի կողմից: Սակայն իրականում ներկայիս վայրում շատրվանը գոյություն է ունեցել Հին Հռոմի ժամանակներից: 20-րդ դարում Trevi-ն դարձավ իրական հայտնություն, այն նկարահանվեց բազմաթիվ ֆիլմերում: Շատրվանն ունի 26 մետր բարձրություն,մինչեւ 20 մետր  լայնություն: Կենտրոնում տեղակայված է Նեպտուն աստծու արձանը: Որպես բոնուս առաջարկում են տպավորիչ լողավազան, որը ծանոթ են Ֆելինիի  Dolce Vita  ֆիլմից:

3. Սուրբ հրեշտակի ամրոցը - Ամրոցի շինարարությունը սկսվել է դեռևս 135 թվականին: Շուրջ երկու հազարամյա պատմության ընթացքում այն  բազմիցս վերակառուցվել է: Հանդիսացել է ոչ միայն ամրոց, այլև գերեզման, պապի նստավայր,պահեստարան և, իհարկե, բանտ: Ներկայումս այն զինվորական պատմության թանգարան է, որտեղ զբոսաշրջիկները կարող են տեսնել գաղտնի արխիվները, Գանձերի դահլիճը, պապական օթևանները, Պոլ III-ի  լոջիեն, Կլեմենտ VII-ի  սրահը, Ալեքսանդր VI-ի պարտեզը և ավելի քան 50 սենյակներ, որոնք կազմում են իսկական լաբիրինթոս: Ամրոցն իր անվանումը ստացել է 590 թվականին, երբ ժանտախտի ժամանակ Գրիգոր Մեծ Պապի երազում,ամրոցի տանիքի վրա հայտնվեց Միքայել հրեշատակապետը, որով և ազադարարվեց մոլեգնած աղետի ավարտը: Հենց այդ ժամանակ էլ ամրոցն անվանվեց Սուրբ Հրեշտակի ամրոց:

4. Հռոմի Պանթեոն  - Պանթեոնը հնագույն հեթանոսական տաճար է և հետագայում ձեռնադրվել է, որպես Սուրբ Մարիամի և Նահատակաց քրիստոնեական եկեղեցի, նվիրված բոլոր հռոմեական աստվածներին: Այս նախաքրիստոնեական ժամանակաշրջանի ճարտարապետական կառույցը պահպանվել է մինչ մեր օրերը  և հիացնում է իր վեհությամբ ոչ միայն մասնագետներին, հնագետներին, այլ նաև շարքային զբոսաշրջիկներին:

5. Նովոնա հրապարակ - Պիացցա Նովոնան աշխարհահռչակ հռոմեական հրապարակի անբողջական անվանումն է: Այն գալիս է հունական մրցույթների անվանումներից (ագոն):  Այս կառույցի համր պարտական ենք  Հուլիոս Կեսարին, ով հնագույն մարզադաշտի կրկնօրինակը կառուցեց, իսկ հետագայում այն վերակառուցվեց Դոմետիանոսի կողմից: Հին ժամանակներից (15-րդ դարում), այն ծառայել է որպես շուկա: Այստեղ անընդհատ կազմակերպվում էին պարահանդեսներ, իսկ ֆրանսիական օկուպացիայի ընթացքում` հեծյալների մրցույթներ: Այժմ շուկան բաց է միայն Սուրբ Ծննդյան տոներին:

6. Սուրբ Պետրոսի տաճար - Սուրբ Պետրոսի տաճարը Վատիկանի և ամբողջ կաթոլիկ աշխարհի սիրտն է: Այստեղից հրաշալի տեսարան է բացվում դեպի Հին Հռոմ, կարող եք հիանալ տաճարի ճարտարապետությամբ և ստանալ հովվապետի օրհնությունը: Սուրբ Պետրոսի տաճարը, առանց չափազանցության, ինքնին պատմությունն է` զետեղված քարերի մեջ:  Եթե թվարկենք բոլոր այն մեծ մարդկանց, ովքեր իրենց ներդրումն ունեն այս կառույցի մեջ, ապա մի ամբողջ թերթ չի բավականացնի: Ամրոցի պատերի ներսում որոշվել են աշխարհի, երկրների եւ ժողովուրդների ճակատագրերը: Տաճարի պատմությունը սկսվել է 4-րդ դարում: Ի սկզբանե այն եղել է Պետրոս Առաքյալի գերեզմանի շուրջը կառուցված համեստ տաճար: Մինչև 15-րդ դար կառույցը առանձնահատուկ ոչինչ իրենից չէր ներկայացնում: Եվ այսպես 1506 թվականին որոշվեց  վերակառուցել այն մի մեծ տաճարի, որը կդառնար ամբողջ կաթոլիկ աշխարհի կենտրոնը և խորհրդանիշը:

7. Վատիկանի թանգարան (Sistine Chapel) - Սիքստինյան տաճարը զբոսաշրջիկների շրջանում ամենահայտնի և հաճախակի այցելվող վայրերից է: Տաճարը կառուցվել է 15-րդ դարի երկրոդ կեսին Սիկստա IV Պապի որոշմամբ, որի անունով էլ այն անվանվեց: Կառույցի ճարտարապետը Ջորջիո Դոլչին էր: Եթե անկեղծ լինենք, տաճարի արտաքին հարդարանքը բավականին համեստ տեսք ունի, բայց հայտվելով ներսում` կարելի է կորցնել խոսելու ունակությունը այն գեղեցկությունից, որ շրջապատում է: Սիքստինյան տաճարը հատկապես առավել նշանավոր է պատերի շքեղ նկարներով, նրանց թվին են պատկանում Սանդրո Բոտտիչելլիի,Միքելանջելոյի,Պինտուրիկկոյի գործերը: Հատկապես ապշեցուցիչ է Միքելանջելոյի <<Ահեղ դատաստան>>ը:

8. Իսպանական աստիճաններ - Իսպանական աստիճանը իզուր չէ, որ համարվում է ամենագեղեցիկը Եվրոպայում: Նրա չափերը հսկայական են, հոյակապ Բարոկկո ոճը եւ ճարտարապետությունը  կտպավորեն նույնիսկ ամենափորձառու ճանապարհորդներին: Հատկապես գեղեցիկ է աստիճանը գարնանը, երբ ծաղկում են ազալիաները: Իսպանական աստիճանը սկսվում է Պիացցա դի Սպանիա հրապարակի կենտրոնից, հասնելով մինչև Պինչո կղզյակ: Իսպանական աստիճանների նախագիծը երկար ժամանակ քննարկման առարկա էր`  իսպանական և  ֆրանսիական համայնքները համաձայնության չէին գալիս, վերջ ի վերջո 1726 թվականին այն կյանքի կոչվեց դե Սանկտիսոմ և Սպեկկի ճարտարապետների կողմից:

9. Կամպո դե Ֆիորի «ծաղիկների դաշտ» (շուկա-հրապարակ Հռոմում) - Կամպո դե Ֆիորի բառացի թարգմանված` «ծաղիկների դաշտ»: Սա Հռոմի գեղատեսիլ վայրերից մեկն է, որն ունի մեծ ձգողական ուժ, և ոչ մի զբոսանք չի անցնում առանց այստեղ այցելության: Միջնադարում այն տարածքը պատկանում է Օրսինի ընտանիքին և մնացել է կիսակառույց մինչեւ XV դար: Campo dei Fiori հրապարակում չկան եկեղեցիներ,ինչը զարմանալի փաստ է իտալական ճարտարապետության համար: Պատճառը երևի նրանում էր, որ այստեղ իրականացվում էին հրապարակային մահապատիժներ: Այս մասին է վկայում նաև Ջորդանո Բրունոյի արձանը, ում 1600 թվականին այրել էին հերետիկոսության մեղադրանքով: Հուշարձանը շրջապատված է Էտտորե Ֆերրարիի հուշաքանդակներով, որոնք հիշեցնում են մեծ հումանիստի և փիլիսոփայի կյանքի ամենակարևոր էջերի մասին:

10. Կապիտոլիական թանգարաններ - Կապիտոլիական թանգարաններն իրենցից ներկայացնում են գեղարվեստական և հնէաբանական թանգարաններ Պյացա Կապիլիումում` Կապիտոլիումյան բլրի գագաթին: Այս համալիրի պատմությունը սկսվում է 15 դարից, երբ պապ Սիկստի IV-ը Հռոմի բնակիչներին նվիրաբերեց բրոնզե արձանների թանկարժեք հավաքածու Լատեռանից: Հատկանշական են հատկապես Կարավաջոյի, Ռուբենսի, Տինտորետտոյի ռենեսանսի և բարոկկո ոճի արձանները:

Ինչ կարելի է անել

Գտեք հնագույն գանձեր Մոնտի  շուկայում - Կոլիզեումից ոչ հեռու, Դուք կարող եք գտնել Մոնտի թաղամասը, որը ժամանակակից արվեստի և հնաոճ իրերի մի ֆանտաստիկ «քաղաք շուկա» է: Հիմնադրվել է 2009 թվականին,այստեղ կարելի է գտնել ամեն ինչ` սկսած ռետրո հագուստից, մինչև տնտեսական ապրանքներ:

Դիտեք անվճար ֆիլմեր - Casa del Cinema բացօթյա կինոթատրոնը հեքիաթային վայր է  ֆիլմերի սիրահարների համար: Ամեն երեկո անցկացվում է անվճար կինոդիտում: Ցուցադրում են  հին ու նոր ֆիլմեր, նույնիսկ կարող եք դիտել Վենետիկի կինոփառատոնի ֆիլմերը: Կինոթատրոնը եզակի հնարավորություն է տալիս հանդիպել ռեժիսորների, պրոդյուսերների և կինոյի աստղերի հետ:

ՈՒսումնասիրեք ժամանակակից արվեստը Սալա 1-ում - Երբ 1970 թ.  բացվեց Սալա 1 պատկերասրահը, առաջիններից էր որտեղ ցուցադրվում էին փորձարարական եւ ժամանակակից արվեստի գործեր: Պատկերասրահը գտնվում է նախկինում Վատիկանին պատկանող տաճարում, որն ավելի տիեզերական տեսք է հաղորդում նրան:

Ունկնդրեք Ջազ Big Mam-ում - Ակումբը բացվել է 1984 թ, այստեղ առաջարկում են անվճար մուտք շոուներին և մեծ Փառքի սրահ: Գտնվում է Տրանստեվերե թաղամասում, հենց այստեղ է հնչում քաղաքի լավագույն երաժշտությունը: Ակումբը կարող է տեղավորել մոտ 150 մարդ, և կազմակերպում է հարյուրավոր համերգներ ամեն տարի:

Բացահայտեք Հենրիխ Քրիստիան Անդերսենի քանդակները - Հավակնոտ նորվեգա-ամերիկյան նկարիչ Հենրիխ Քրիստիան Անդերսենը տեղափոխվել է Հռոմ 19-րդ դարի վերջում, որտեղ ապրել է 40 տարի: Երբ  մահացավ, թողեց իր բոլոր աշխատանքները Իտալիային, իսկ նրա տունը վերածվեց թանգարանի, որտեղ ցուցադրված են մոտ 200 քանդակներ, 200 գեղանկարչական և 300 գրաֆիկական աշխատանքներ:

Որտեղ կանգ առնել

Հռոմում կարելի է շրջել անվերջ: Յորաքանչյուր կառույց, կոթող արժանի է ուշադրության: Պատմական կենտրոնը ամենահարմար տարբերակն է կանգ առնելու համար: Կենտրոնում կարելի է առանձնացնել մի քանի թաղամասեր,  յուրաքանչյուրն ունի իր առավելությունը:

«Roma Termini» կայարանի շրջակայքի հյուրանոցները - Այս հատվածում են տեղակայված ամենաբյուջետային հյուրանոցները: Թաղամասն  գտնվում է հարմար տենղանքում, կայարանի ներսում կան խանութներ և աուպերմարկետ: Թափառաշրջիկների կարելի է հանդիպել, սակայն նրանք հիմնականում ոչ մի վտանգ չեն ներկայացնում:

Վիա Նացիոնալ փողոցի հյուրանոցները - Քաղաքի ամենաակտիվ և աղմկոտ հատվածներից մեկն է: Այստեղ կան մի շարք խանութներ, սրճարաններ, ինչպես նաև այստեղով է անցնում երթուղայինի գիծը, այդ իսկ պատճառով, հյուրանոց ընտրելիս ուշադրություն դարձրեք սենյակների տեղակայությանը և պատուհանների ձայնամեկուսացմանը:

Կոլիզեումի հարևանության հյուրանոցները - Թերևս, Հռոմի առավել ճանաչելի հուշակոթողը Կոլիզեումն է, և նրա մոտ են տեղակայված լավագույն հյուրանոցները: Հյուրանոց ընտրելիս, աշխատեք խուսափել փողոցի վրա տեղակայված հյուրանոցներից, ընտրեք թաղամասի խորքերում տեղակայված հյուրանոցները` հեռու աղմուկից և քաղաքի անցուդարձից:

Սպասարկում և Փաստեր

Խոհանոց - Սնունդը իտալական մշակույթի կարևորագույն տարրն է: Միանգամայն լուրջ: Իտալացիները սիրում են ուտել, խոսել սննդի մասին, պատմել, թե ինչ են փորձել և լսել, թե ինչ է համտեսել զրուցակիցը, սննդի ինչ նախընտրություններ ունի, որոնք են ազգային խոհանոցի ավանդույթները, ինչպես նաև ընտանեկան բաղադրատոմսերին ծանոթանալ:

Տրանսպորտը Հռոմում - Հռոմի տրանսպորտի  բոլոր  միջոցների համար գործում է Metrebus կամ BIT (biglietto integrate a tempo) տոմսերը: Տոմսերը վաճառվում են տրանսպորտային միջոց մուտք գործելուց առաջ, մետրոյի մուտքի մոտ  գտնվող դրամարկղերում, ծխախոտի և թերթի կրպակներում: Մեկ ուղևորության համար նախատեսված տոմսը կարելի է օգտագործել 100 րոպեի ընթացքում, արժեքը 1,50 eur: Այս ժամանակահատվածի ընթացքում դուք կարող եք փոխել ավտոբուսները և տրամվայները, որքան որ ցանկանում եք, իսկ մետրոյից միայն մեկ անգամ: Հռոմի տրանսպորտի անցագրերը(tessere, abbonamenti) նախատեսված են տարբեր ժամանակահատվածների համար, մեկ օրվա համար (biglietto giornaliero,կամ BIG), կամ BIG) եւ արժեքն է 6 եվրո, 3 օրվա համար (biglietto Turistico integrato կամ BTI) - 16,50 եվրո, մեկ շաբաթվա համար (carta settimanale, կամ ԱՊՀ- ) - 24 եվրո, այս պարագայում անհրաժեշտ են անձնական տվյալները: Ավելի երկար ժամանակահատվածի համար անցագիր ստանալու, օրինակ, մեկ ամսվա համար(abbonamenti mensili), անհրաժեշտ է լրացնել անձը հաստատող փաստաթուղթի տվյալները (carta d identiti), վճարում եք 5 եվրո  Atas տեղեկատվական բյուրոյում, որը գտնվում է Չինկվեչենտո հրապարակում` (Cinquecento) Տերմինի կայարանի (Termini Station) դիմաց: Այնուհետև ճամփորդական անցագրի մեջ պետք է  լրացնել անցագրի համարը, Ձեր անունը և ազգանունը, և անպայման կնիքով, առանց որի անցագիրը վավեր չի լինի:

Մետրո - Հռոմի մետրոյի սխեման շատ պարզ է և նման է Х տառին: Բաղկացած է Տերմինի կայանի երկու խաչվող ճյուղերից` A և B: Կարմիր A գիծը գնում է   հարավ-արևելքից դեպի Վատիկանի հյուսիս-արևմուտք, իսկ կապույտ B գիծը` հարավից, EUR թաղամասից, դեպի հյուսիս-արևելք: Այն փաստը, որ մետրոն լավ  զարգացած չէ Հռոմում, բացատրում են նրանով, որ մետրոյի աշխատանքների ընթացքում, աշխատողները անընդհատ բախվում էին հնագույն հնագիտական գանձերին:

Տրամվայներ եւ ավտոբուսներ - Ավտոբուսը ամենահարմար տրանսպորտային միջոցն է Հռոմում, քանի որ այն ունի լայն զարգացած ցանց և բավական հաճախ են անցնում, մոտ 10 րոպե ընդմիջումով: Ի տարբերություն հռոմեական ավտոբուսների, տրամվայները պարտադիր կանգ են առնում ամեն կանգառում: Այնուամենայնիվ, եթե ցանկանում եք դուրս գալ, զգուշացրեք վարորդին և սեղմեք կոճակը:

Տոմսերի տարբերակներն են`

1. B.I.T. ստանդարտ տոմս, որն ուժի մեջ է մետրոյում մեկ ուղեւորության, կամ 100 րոպե բոլոր ավտոբուսներում, արժեքը`  € 1,50
2. Ուժի մեջ է 24 ժամ -  ներառում է անսահմանափակ մետրո, ավտոբուս, գնացք, արժեքը` €7.00
3. Ուժի մեջ է 48 ժամ -  ներառում է անսահմանափակ մետրո, ավտոբուս, գնացք, արժեքը` €12.50
4. Ուժի մեջ է 72 ժամ -  ներառում է անսահմանափակ մետրո, ավտոբուս, գնացք, արժեքը` € 18.00
5. C.I.S.- ուժի մեջ է 7 օր

Եթե ցանկանում եք ավելի մանրամասն տեղեկություն ստանալ Իտալիայում մեր տուրերի վերբերյալ, ապա հետևեք հղմանը` http://hopa.am/tours/italy/rome-italy/GRAND-TOUR-OF-ITALY-from-ROME-52?date=22/12/2018&adults=2