ԱՄԷ-այն և արևելյան հեքիաթի գրավչություն է, և սպասարկման արևմտյան չափանիշներ: Անմոռանալի գնումներ, հսկայական առևտրային կենտրոններ, առաջնակարգ զարդերի խանութներ: Արաբական շեյխերի, ապշեցուցիչ երկնաքերերի, աշխարհում ամենալավ երկնաքերերի երկիր: Յուրաքանչյուր Էմիրատի ծովափի ավազը սպիտակի իր երանգն ունի, իսկ անապատներում այգիներ են ծաղկում: Էմիրատներում զբոսաշրջիկներին սպասում է ուրախ ընդունելություն, մթնոլորտն ընկերական է և անվտանգ:

Երկրի մասին

ԱՄԷ պետությունը տեղակայված է Ասիայի հարավ-արևմտյան մասում, Արաբական թերակղզու արևելյան հատվածում: Արևմուտքում և հարավում սահմանակից է Սաուդյան Արաբիային, իսկ արևելքում Օմանին:

Ընդհանուր տեղեկություններ

Բնակչության թիվը. Երկրում բնակվում է 9.5 մլն մարդ, որոնցից միայն 1.5 մլն է էմիրատների քաղացի, իսկ մնացած 8 մլն արտասահմանցիներ են, ովքեր այնտեղ են գտնվում ժամանակավոր աշխատողի կարգավիճակում:

Կլիմա

Ամռանը Էմիրատներում անտանելի շոգ է, միջին ջերմաստիճանը մոտ 45 աստիճան է: Հանգստի համար ամենանպաստավոր ամիսներն են` սեպտեմբերը, հոկտեմբերը, մարտը, ապրիլը:

Կառավարման ձևը.

Ըստ կառավարման ձևի այն բացարձակ միապետություն է, որտեղ իշխանությունը փոխանցվում է ժառանգական կարգով:

Արժույթ

ԱՄԷ-ի դրամական արժույթը դիրհամն է, 1 դիրհամը` 100 ֆիլս է: Այն խիստ կապված է դոլարի հետ, դրա փոխարժեքը գրեթե չի փոխվում: 1 ԱՄՆ դոլարը = 3.67 դիրհամի:

Պատմությունը և տնտեսությունը.

Էմիրատները որպես պետություն գոյություն ունեն 1971 թվականից: Այդ ժամանակ երկիրն հիմնականում զբաղվում էր առևտրով, մարգարտի արդյունահանմամբ և ձկնորսությամբ: Մի քանի տասնամյակների ընթացքում այս երկիրը անսահման մեռյալ անապատից վերածվել է Մերձավոր Արևելքի ամենահզոր տնտեսական կենտրոններից մեկի: Երկրի ողջ տնտեսական հարստությունն աճել է նավթային եկամուտներից: Բայց այսօր շեյխերը հասկացել են, որ նաֆթից կախված լինելը վտանգավոր է և սկսել են զբաղվել տնտեսության դիվերսիֆիկացիայով, շեշտադրումը կատարված է զբոսաշրջության, ծովափնյա հանգստի, անշարժ գույքի վաճառքի և գյուղատնտեսության վրա:

Այժմ երկիրը բաղկացած է 7 էմիրատներից, որոնցից յուրաքանչյուրն յուրովի բացառիկ է և սքանչելի.

1. Աբու-Դաբի
2. Դուբայ
3. Շարջա
4. Ֆուջեյրա
5. Ռաս-էլ-Խայմա
6. Աջման
7. Ում-ալ-Քուվեյն

Հանգստի համար ամենահայտնիներն են` Դուբայը, Աբու-Դաբին և Շարջան:

Ինչո՞վ կարող են հպարտանալ էմիրատների խոշորագույն քաղաքները

Սկսենք 7 Էմիրատներից ամենամեծից, երկրի մայրաքաղաքից, Աբու-Դաբի: Ընդամենը 50 տարի առաջ Աբու-Դաբին աղքատ ձկնորսական քաղաք էր: Տեսնել, թե ինչպիսին էր այն նախկինում կարելի է պատմական ժառանգության թանգարանում` Heritage Village, կառուցված 1997 թվականին: Աբու-Դաբիում ամենատարածված զբաղմունքը Ֆեռարի պարկն է, այն զվարճանքի ամենամեծ փակ պարկն է ողջ աշխարհում, որի տանիքի տակ տեղավորվում են ավելի քան 20 յուրօրինակ ատրակցիոններ:

Աբու-Դաբին կառուցված է վերջին ճարտարապետական նորաձևությամբ, այդ իսկ պատճառով այդքան հետաքրքիր է զբոսաշրջիկներին, ովքեր նախընտրում են իրենց հանգիստն անցկացնել շքեղ միջավայրում: Աբու-Դաբիում շատ են յուրահատուկ հինգաստղանի հյուրանոցները, սակայն կան նաև «չորսեր» և «երեքներ»: Որոշ հյուրանոցներ շեշտը դնելով առանձնացված հանգստի վրա, գտնվում են քաղաքից փոքր-ինչ հեռու, սակայն այդ դեպքում մեծ առևտրային կենտրոններ տրանսֆերն իրականացվում է անվճար:

Թոփ զվարճանքներ

• Շեյխ Զայդի մզկիթ
• Պատմական ժառանգության «Heritage Village» թանգարան
• Ֆեռարի պարկ
• «Յաս Մարինա»
• Կորնիշ ծովափ
• Emirates Palace հյուրանոց
• Jumeirah At Etihad Towers դիտահարթակ

Դուբայ. Հանգստի ամենահայտնի էմիրատը Դուբայն է` չափերով երկրորդը ԱՄԷ-ի կազմում: Հենց այստեղ են կենտրոնացած խելահեղ երկնաքերերը, թանկարժեք հյուրանոցները: Դուբայում է գտնվում ամենաթանկարժեք հյուրանոցը ողջ պատմության ընթացքում` «Բուրժ-ալ-Արաբ», հենց այստեղ է վեր խոյանում 124-հարկանի աշտարակ «Բուրժ Խալիֆան», և հենց այտեղ են տեղակայված ԱՄԷ-ի համար ռեկորդային թվով մեգա-մոլեր: Դուբայը բազմազան զբոսաշրջանի ուղիների, վառ տպավորությունների, նոր զվարճանքների և տեսարժան վայրերի էմիրատ է:

Թոփ զվարճանքներ

• Բուրջ Խալիֆա
• Պալմա Ջումեյրա
• Բուրջ-էլ-Արաբ
• Դոու նավակով զբոսանք
• Ոսկու և համեմունքների շուկաներ
• Դուբայի թանգարան և Ալ-Ֆահիդի Ամրոց
• Դուբայ Մոլ և շատրվանների շոու
• Էմիրատների մոլ
• Զվարճանքների պարկ «Ski Dubai»
• Դուբայ Մարինա

Շարջա. Մեծությամբ 3-րդ էմիրատն է: Շարջա այցելությունը խորհուրդ է տրվում նրանց, ովքեր խմիչքի հակառակորդն են, ցանկանում են ընտանիքով հանգստանալ և շատ են հետաքրքրվում արաբական մշակույթով ու շահավետ գնումներով: Այստեղ հյուրանոցները շատ չեն, սակայն գրեթե բոլորը տեղակայված են ծովափնյա առաջին գծում և դրանց արժեքն ավելի ցածր է, քան Դուբայում: Շրջանում կան բազմաթիվ պատմական տեսարժան վայրեր, թանգարաններ և պատկերասրահներ, այնպես որ արևելյան մշակույթն իրականում գնահատողները, իրենց ուրախացնելու առիթներ կգտնեն:

Թոփ զբարճանքներ

• Պատկերային արվեստի թանգարան
• «Կապույտ շուկա» անվամբ կենտրոնական շուկան
• Իսլամական քաղաքակրթության թանգարանը
• «Բեյը Ալ Նաբուդա» ամրոցը
• Ալ Կասբա, «Էմիրատների աչք» դիտանիվ

Ռաս-ալ Խայմա. Ամենահյուսիսային և բերքատու էմիրատն է, որը սկսել է զբոսաշրջիկների առջև բացվել համեմատաբար վերջերս: Այստեղ չկան այն քանակությամբ երկնաքերեր, ինչպես Աբու-Դաբիում կամ Դուբայում, սակայն կան բավականաչափ հյուրանոցներ նպատակաուղղված ընտանեկան հանգստին և All Inclusive համակարգին: Ավելին, Ռաս-ալ Խայմում չոր օրենքը չի գործում: Այս ամենը էմիրատը դարձնում է ավելի գրավիչ նրանց համար, ովքեր նախընտրում են անցկացնել հանգիստը դասական ծովափնյա վայրում:

Թոփ զվարճանքներ

• Ռաս-ալ-Խայմի ազգային թանգարան
• Ֆորտ Դայ
• Մարգարտի թանգարան
• Ռադոնային աղբյուր «Khatt Springs»
• Պատմական հուշարձան «Husn al-Shimal»
• Ակվապարկ «Iceland Water Park»

Ֆուջեյրա. Միակ էմիրատը, որը գտնվում է Հնդկական օվկիանոսի ափին: Այն գեղեցիկ տեղանք է` բնական տրոպիկական այգիներով, կանաչ բլուրներով և լեռներով: Կլիման այստեղ ավելի մեղմ է, բուսական և կենդանական աշխարհն ավելի բազմազան: Այստեղ հեշտությամբ կարելի է գտնել առևտրի կենտրոններ, նորաձև ռեստորաններ և ժամանակակից հանգստի այլ բաղադրիչներ:

Թոփ զվարճանքներ

• Ալ-Բիդախ մզկիթ
• Ֆուջեյրա ամրոց
• Ցլամարտ
• Ֆուջեյրայի թանգարան
• Ազգային պարկ Այն-Ալ-Մադհաբ
• Wadi Siji, Wadi Saham and Wadi Mai
• Friday Market շուկա, Մասաֆի

Ումմ-ալ-Քուվեյն. Անաղմուկ, շատ հանգիստ էմիրատ է Պարսից ծոցի ափին, Դուբայից ընդամենը 50 կմ հեռավորության վրա: Այստեղ պահպանվում է ավանդական կենցաղը: Հիասքանչ լողափերը լրացնում են նաև պատմա-ճարտարապետական հուշարձանները զվարճանքների պարկը, հենց այստեղ է գտնվում ԱՄԷ-ի ձիավարության դպրոցը: Հյուրանոցների քանակն այնքան էլ շատ չէ, սակայն դրանք թանկ չեն և հրաշալիորեն հարմար են երեխաների հետ հանգիստ արձակուրդի համար:

Թոփ զվարճանքներ

• Ումմ-ալ-Քուվեյն ամրոց և թանգարան
• Հնագիտական պեղումներ Al-Dur
• Սինայ կղզի
• «Dreamland» ակվապարկ

Աջման. Յոթ էմիրատների մեջ տարածքով ամենափոքրն է: Այստեղ այնքան էլ շատ չեն հյուրանոցները, և բոլորը դասվում են «դելյուքս» դասին, ունեն սեփական լողափերը, մեծ տարածք և ամենաժամանակակից ինֆրակառուցվածքը: Եթե Դուք սիրում եք ծովափնյա հանգիստ խաղաղ միջավայրում, ալիքների աղմուկը և ձյունաճերմակ ավազ, ապա Աջմանը ճիշտ ընտրություն է: Իսկ եթե ցանկանում եք ակտիվ հանգիստ հյուրանոցից դուրս, ապա միշտ կարող եք ուղևորվել Դուբայ:

Թոփ զվարճանքներ

• Աջմանի թանգարան
• Դոու նավակայան
• Mowaihat հնագիտական պեղումներ
• Աջմանի լողափեր